Kooxda Shabaab ayaa qalaaf kii ugu ba’naa ka bilaaday deegaanka Ceelasha Biyaha kaddib markii ay ku jabeen dagaalladii ka dhacay magaalada Muqdisho.
kooxda Shabaab ayaa deegaanka Ceelasha Biyaha ka bilaawday khafaal aad u daran waxaana ay kula dhaqaaqay dhalinyarada ku sugan deegaanka iyo dadka Ganacsatada ah ee halkaasi ku ganacsada, wararka aanu ka heleeno Ceelasha Biyaha ayaa sheegaya in ay dhalinyarada deegaanka soo wajahday cabsi aad u xooggan islamarkaana ay isaga cararyaan halkaasi. wararka ayaa intaa ku daray in maleeshiyaad aan sidaa u badneyn oo ka tirsan kooxdii burburtay ee Shabaab ay dadka ammar ku siinayaan in ay ka qayb qaataan dagaallada kooxda looga itaal roonaaday ee ay la galeen ciidamada dowladda Soomaaliya. dadka deegaanka ayaa inoo xaqiijiyay in ay arkayeen maleeshiyaad aad u careysan oo dadka kula kacaya jir dil iyo handadaan, sidoo kale waxaa deegaanka Ceelasha ay ka bilaabeen kooxda Shabaab boob ay kula kacayaan Ganacsatada islamarkaana ay ka qaadayaan lacago aad u badan. arrimahani ayaa imaanaya xilli kooxda uu ku dhacay jab aad u ballaaran oo ay kala kulmeen ciidamada qalabka sida ee Soomaaliya oo howgal aad u ballaaran ka fuliyay caasimada dalka ee Muqdisho.
0 Comments
Guddiga wadajirka ah ee amniga Soomaaliya oo ay ku mideeysanyihiin Dowladda KMG ah Q/Midoobay, Midowga Yurub iyo Mareeykanka ayaa markii ugu horreysay maanta Muqdisho ku kulmay, kaas oo looga hadlayay horumarada ay ciidamadu ka sameeyeen amaanka dalka.
Kulankaasi ayaa waxaa ka qeybgalay R/wasaaraha Soomaaliya Dr C/weli Maxamed Cali “Gaas” R/wasaare ku xigeenka ahna wasiirka Gaashaandhiga, taliyayaasha ciidamada iyo xubno kale, waxaana kulanka diiradda lagu saaray horumarka ay ciidamadu ka gaareen howlgalladii ay ka wadeen Muqdisho iyo sidii loo tayeeyn lahaa ciidamada qaranka. Markii uu kulanka soo dhamaaday kadib ayaa waxaa si wadajir ah shir jaraa’id u qabtay R/wasaaraha dalka iyo Ergayga Q/Midoobay ee Soomaaliya Augostina Mahiina, waxaana hadalka ku hormaray Mahiiga oo sheegay in kulankan ay maanta Muqdisho ku yeesheen guddigaasi uu yahay kii Sagaalaad balse uu noqonayo markii ugu horeeysay ee Muqdisho lagu qabto, guddiganna waxaa lagu aas aasay ayuu yiri heshiiskii Jabuuti ee sanadki 2008-dii isagoo amaanay horumarka ay ciidamadu ka sameeyeen dhinaca amaanka. R/wasaare Dr. C/weli ayaa tilmaamay in kulankaasi looga hadlay sidii kor loogu qaadi lahaa aqoonta iyo tayada ciidamada kala duwan ee dowladda si buu yiri ay sugaan amaanka guud ee dalkeennaa. Kulanka uu guddiga wadajirka ah ku yeeshay Muqdisho ayaa imaanaya xilli ciidamada dowladu ay maleeshiyaadka shabaab ka saareen magaalada Muqdisho iyagoo isla markaana ku guuleeystay sugidda amniga Muqdisho. Xubno wafdi ah oo ka socday wadanka Turkiga ayaa gaaray manta magaalada Muqdisho kuwaas oo sida la sheegay horudhac u ah socdaal uu magaalada Muqdisho xiliyada soo socda ku tagayo raysulwasaaraha dalka Trukiga Rajab Dayib Erdogan iyo qaar ka mid ah qoyskiisa sida horey loo shaaciyay.
Wafdigaan ayaa la sheegay inay qiimayn iyo u kuurgalid dhab ah ku samaynayaan xaalada guud ee magaalada Muqdisho gaar ahaan dhanka nolosha ,caafimaadka, iyo amaanka si ay ugu sii wargaliyaan raysulwasaaraha maadaama uu socdaalk ku imaanayo markii ugu horeysay magaalada Muqdisho ayadoo xubnahan la sheegay inay isugu jiraan dhaqaatiir iyo xubno ka socdo xafiiska raysulwasaaraha Turkiga. Xubnahan ka socda Turkiga aya waxaa garoonka diyaaradaha Aaden Cadde ku soo dhaweeyay mas’uuliyiin ka tirsan xubnaha golaha wasiirada, oo ay ka mid ahaayeen wasiirka arrimaha gudaha iyo amniga qaranka, wasiiru dowlaha arrimaha dibada iyo wasiiru dowlaha wasaaradda gaadiidka, cirka, dhulka iyo Dekadaha. Cusmaan Nuurit Bechtash u qaabilsanaha xafiiska R/wasaaraha Turka ee maareeynta Musiibooyinka degdegga ah oo hogaaminayay wafdigaasi ayaa saxaafadda u sheegay in ujeedada wafdigaasi ay tahay sidii ay u caawin lahaayeen dadka Soomaaliyeed ee dhibaateysan waxa uuna Mr Bechtaash tilmaamay in maalinta berito ah uu Muqdisho imaan doono Markab wada shixnado gargaar ah oo ay dowladda Turkiga ugu talagashay inay ku caawiso dadka Soomalaiyeed. Sidoo kale wasiirka arrimaha gudaha iyo amniga qaranak Mudane C/samada Macallim Maxamuud oo isna ka mid ahaa Mas’uuliyiintii soo dhaweeysay wafdigaasi ayaa sheegay in xubnahani ay hor u dhac u yihiin wafdi ballaaran oo maalmaha soo socda ka imaan doona dalka Turkiga. Qarax ka dhacay degmada Boondheere oo sababay khasaare soo gaartay dhowr qof oo degmadaas ku nool8/14/2011 Ugu yaraan laba qof ayaa ku dhaawacmay qarax maanta ka dhacay degmada Boondheere oo ka mid ah degmooyinkii ay dagaallada culus ku dhexmareen Xarakada Al-shabaab iyo ciidamada DKMG ah oo kaashanaya kuwa AMISOM.
Qaraxan oo ka dhacay agagaarka wasaaradii arrimaha gudaha ee Soomaaliya ayaa la sheegay in labada qof ee ku dhaawacmay ay ahaayeen dadkii halkaas dib ugu soo laabtay, iyadoo dhaawacooda loo qaaday goobaha caafimaadka. Mas'uuliyiinta dowladda ee degmada Boondheere ayaa sheegay in qaraxa uu ahaa mid ka dhashay waxyaabaha qaraxa oo si lama filaan ah u qarxay, iyadoo aysan jirin cid kale oo waxyeello kasoo gaartay. Dhaawacyada labada qof ayaa la sheegay inay yihiin kuwo fudud, inkastoo tani ay walaac xoogan gelisay dadka dib ugu soo laabtay degmadaas, iyadoo qaraxan uu kusoo beegmayo xili ay dadku bilaabeen inay dib ugu laabtaan degmooyinka qaar. Xarakada Al-shabaab ayaa dhawaan sheegtay inay u faarujisay Muqdisho qorshe dagaal, iyadoo madaxweynaha Soomaaliya uu shalay soo saaray wareegto uu ku saaray goobahaas xaalad deg-deg ah. Dhanka kale, degmooyinkii ay ka baxday Xarrakatul Shabaab sida Wardhiigley, Hodan iyo Howlwadaag ayay dadku billaabeen inay dib ugu laabtaan guryahooda, iyadoo ay weli jiraan weerarro ay Xarrakatul Shabaab la beegsanayso ciidamada isbahaysanaya ee DKMG ah iyo AMISOM. Al-shabaab oo sheegtay inay soo gabgabeysay wajigii koowaad dagaallo ay la gashay DKMG ah iyo AMISOM8/14/2011 Xarakada Al-shabaab ayaa sheegtay maanta oo Axad ah inay soo gabgabeeyeen wajigii koowaad dagaal ay kula galeen Muqdisho ciidamada DKMG ah iyo kuwa AMISOM oo isgarabsanaya, kaddib markii ay sheegtay Al-shabaab todobaadkii hore inay xeelad dagaal uga baxday Muqdisho.
Warsaxaafadeed kasoo baxay Al-shabaab oo ku qornaa afka Ingiriiska ayaa lagu sheegay in Xarrakadu ay qaaday weerarro gaadmo ah oo ay la beegsatay ciidanka AMISOM iyo kuwa dowladda ayna khasaare badan ku gaarsiisay. Iyadoo aan lagu sheegin war-saxaafadeedka khasaare soo gaaray Al-shabaab. Xarakada Al-shabaab ayaa sheegtay inay hayso maydadka ciidamo ka tirsan kuwa AMISOM oo lagu dilay weerarro gaadmo ah oo ay kula beegsatay Muqdsiho tan iyo markii ay banneysay fariiso ay kaga soo horjeedday. Sidoo kale, warsaxaafadeedka ayay Xaraktul Shabaab ku sheegtay inay sii wadi doonto dagaallada ay kula jirto AMISOM iyo DKMG ah, iyadoo xustay inay adeegsan doonto xeelad walba oo ay dhabarka kaga jabinayso. Hadalka Xarakada Al-shabaab ayaa imaanaya iyadoo madaxweynaha Soomaaliya uu xaalad deg-deg ah kusoo rogay goobihii ay Xarakatul Shabaab ka baxday iyo weliba xeryaha barakacayaasha ee ku yaalla Muqdisho. Afhayeenka Al-Shabaab Sheekh Cali Dheere oo maalin ka hor warbaahinta la hadlay ayaa sheegay in 26-weerar ay ku qaadeen ciidamada AMISOM ayna ku dileen in ka badan 50-askari oo ka tirsan ciidamada AMISOM, iyaguna ay weeraradaas ku waayeen illaa saddex qof. Dowladda KMG ah ee Soomaaliya iyo AMISOM ayaan wax jawaab ah ka bixin hadalka kasoo yeeray Xarakatul Shabaab ee ah inay hayaan maydadka askar ka tirsan AMISOM oo ay ku dileen weeraro gaadmo ah. |
|